_ايهاب محمد نصر_
* بعيد عن العواطف والأحاسيس والمشاعر، قرار إزالة كل مخالفات المبانى العشوائية ده قرار شجاع جدا جدا
* مدينة بورتسودان دى فى فترة من الفترات حصل ليها شبه استباحة!! اى نفرين تلاتة يلقو ليهم مساحة فاضية يبنو فيها دكان أو كشك!
* فيا سيدى الوالى شغلك فى الازالة شغل نضيف، واختلف تماما مع الذين يدقدقون القلوب من شاكلة قطع عيش الناس وارزاقهم ولازم تكون الازالة عن طريق القانون ده كلام فارغ، زول عمل ليه كشك أو دكان فى الشارع العام ده طوالى يهدموه ليه فوق راسو، هو لو حاسى انو متضرر هو اليمشى القانون
* اتمنى من إدارة مخالفات البناء العشوائى تمسح من طرف ولا تلتفت للوراء، بورتسودان دى باظت من الفوضى.
والله المستعان.
