كتبت/ سلمه السر
الخامس من نوفمبر (يوم الخميس الفات)
ماكنا بنحتفل بأجهزة جديدة دخلت الهيئة،كنا بنحتفل بناس رجعت ليها الروح,
– معظم الزملاء اتكلموا عن دور الإعلام في الحرب وعن انو الهيئة كانت الملاذ الآمن.
ودة كلام صح لاكن ماكل الحقيقة!
الحقيقة الأعمق:الإعلام ماكان ملاذآ …كان بيتا
الملاذ الناس بتمشي ليه لماتخاف …وتطلع منو لما تطمئن .
لكن الهيئة في الحرب ماكان ملاذ…كان بيتا فاتح 24ساعة ماقفلت أبوابها لافي عيد لافي حرب لافي انقطاع كهرباء المذيع كان بيجي من بيتو ماشي،عشان يقول للناس نحنا معاكم
المهندس كان بينوم جنب الجهاز عشان الصوت ما يقطع ،دي ماوظيفة …دي عائلة
-الوالي مادعم الإعلام.. الوالي أمن بيه
في فرق كبير بين زول يدعمك ..وزول يؤمن بيك
السيد فريق ركن : مصطفى محمد نور،ماكان بيدعم الإعلام كقطاع كان بيؤمن بيه كرسالة ،ماكان بيقول الإعلام دة ترف ..كان بيقول الإعلام دة أمن قومي ..وصوت الناس
-مدير الهيئة أ/محمد طاهر ..كان داعم بيقول لو تعبنا اليوم وهيئنا البنية التحتية بكرا صوتنا حيوصل ابعد وتتحقق الامنيات
وفعلا يوم الخميس صوتنا وصل
#بورتسودانFM
#عقيقFM
#حلايبFM
ودة ماكان تدشين ..دة كان ميلاد
يوم الخميس ما انتهي يوم الخميس بدأ
